top of page

IL FOND

Il LGBTI Youth Fund, ch’è vegnì lantschà l’october 2022, è in fond filantropic independent cun sedia en Svizra d’ina durada limitada da 10 onns. La visiun dal fond è ina societad svizra inclusiva, nua che tut las persunas giuvnas pon definir ed exprimer libramain tant lur identitad e lur expressiun dal gender sco er lur orientaziun affectiva e sexuala ed avair relaziuns respectusas e saunas. 
portraits_LGBT_1.jpg
MISSIUN

Il LGBTI Youth Fund s’engascha per promover midadas duraivlas en Svizra e per ina societad inclusiva, gista e segira che respecta ils dretgs ed ils basegns da la giuventetgna LGBTIQ. Cun metter a disposiziun meds finanzials avain nus la finamira da sustegnair iniziativas naziunalas, regiunalas e localas che resguardan ils basegns da la giuventetgna LGBTIQ e da crear las cundiziuns da basa per ina midada en la societad. 

VALURS

Il LGBTI Youth Fund sa stenta da metter las persunas giuvnas LGBTIQ en il center da sia missiun e da sia strategia. Nus prendain serius lur opiniuns, perquai che mo el:las èn ils:las expert:as da lur atgna vita. Sin basa da lur experientschas enconuschan el:las las sfidas, cun las qualas el:las èn confruntad:as. El:las èn conscient:as da lur basegns e da lur opportunitads. Perquai furman las suandantas valurs il plan directiv da nossa lavur. 


Nus ans engaschain per:

  • la diversitad, la giustia e l’inclusiun;

  • ils dretgs da la giuventetgna LGBTIQ, l’egualitad e la nundiscriminaziun.

 

Nus ans stentain da:

  • tadlar las persunas giuvnas LGBTIQ e da stgaffir in spazi che las permetta da motivar e d’inspirar er autras persunas;

  • respectar la dignitad, las opiniuns e l’experientscha da mintgin:a;

  • garantir la segirezza ed il bainstar da la giuventetgna LGBTIQ e da noss:as partenari:as;

  • stabilir relaziuns plain confidenza cun la giuventetgna LGBTIQ e cun noss:as partenari:as.

METODA PARTICIPATIVA

Il LGBTI Youth Fund ha la finamira d’adina esser infurmà davart ils basegns da la giuventetgna LGBTIQ e d’agir en moda correspundenta. Per quest motiv elavurain nus actualmain differents models per includer efficaziamain la giuventetgna LGBTIQ en il proceder da surdada dals meds finanzials. Ulteriuras infurmaziuns davart la gruppa da giuventetgna LGBTIQ vegnan publitgadas/suondan pli tard.

METODA

Per permetter a la giuventetgna LGBTIQ da sa sviluppar e per crear las cundiziuns da basa per ina midada vers ina societad svizra inclusiva, gista e segira, sa concentrescha il LGBTI Youth Fund sin trais champs d’acziun principals: la promoziun da relaziuns saunas, la midada da las normas socialas e l’empowerment.

healthy_relationships_white_G.png

Promozium da 
Relaziuns Saunas

social_norms_white_G.png

Midada da lasNormas Socialas

Empowerment_white_G.png

Empowerment da la giuventetgna LGBTIQ

Il LGBTI Youth Fund collavura cun organisaziuns che tegnan quint dals basegns da las persunas giuvnas LGBTIQ, che s’engaschan per lur dretgs, che prevegnan a tut gener da violenza e da discriminaziun, che promovan relaziuns saunas, che sustegnan e rinforzan la giuventetgna LGBTIQ e che contribueschan en general a la midada da las normas socialas en Svizra.

CONCEPT DA PROTECZIUN

Il LGBTIQ Youth Fund sa stenta da garantir la segirezza, la protecziun ed il bainstar da la giuventetgna LGBTIQ sco er da prevegnir a tut gener da discriminaziun e da violenza. Il concept da protecziun dal LGBTI Youth Fund cumpiglia standards da cumportament, porscha ina clera survista da tut quai che na vegn betg tolerà e cuntegna instrucziuns per cas da suspect u d’accusaziun. Quest concept vala per tut la squadra dal LGBTI Youth Fund sco er per noss:as actur:as principal:as. Nus dumandain ultra da quai er noss:as partenari:as da surpigliar ils medems standards. 

Dapli infurmaziuns davart il fond èn disponiblas en englaistudestgfranzos u talian

Il LGBTI Youth Fund vegn sustegnì da la Oak Foundation ed administrà da la Swiss Philanthropy Foundation.
logo_spf.png
bottom of page